«Budučynia Biełarusi. Pohlad niezaležnych ekśpiertaŭ» — tak nazyvajecca zbornik, prezientacyja jakoha adbyłasia 10 śniežnia ŭ pasolstvie Łatvii ŭ Minsku.

Vydadzienaja ŭ Sankt-Pieciarburhu kniha pad redakcyjaj aŭtarytetnaha biełaruskaha sacyjołaha prafiesara Aleha Manajeva pradstaŭlaje pohlad viadučych niezaležnych ajčynnych i zamiežnych ekśpiertaŭ na budučyniu Biełarusi. Heta bačańnie zasnavana na analizie klučavych prablem jaje sučasnaha raźvićcia — farmiravańni nacyjanalnaj identyčnaści, palityčnych i sacyjalna-ekanamičnych vyklikaŭ, hieapalityčnaha samavyznačeńnia.

«Skončyŭšy hety prajekt, ja ŭ cełym adčuvaju aptymizm, niahledziačy na toje što niekatoryja z pradstaŭlenych u knizie scenaryjaŭ dosyć piesimistyčnyja»,
— zajaviŭ Aleh Manajeŭ u kamientary dla BiełaPAN.

Pavodle mierkavańnia vučonaha, u krainie jość sacyjalnaja baza, patencyjał dla roznych varyjantaŭ raźvićcia, u tym liku i dla jeŭrapiejskaha, demakratyčnaha šlachu.

Nielha hladzieć na pierśpiektyvu krainy fatalistyčna na padstavie taho, što «18 hadoŭ tamu da ŭłady pryjšła adna z hrupovak biełaruskaha socyuma», jakaja pradstaŭlaje peŭny pohlad na raźvićcio krainy, padkreśliŭ Manajeŭ.
Šlach, pa jakim pojdzie Biełaruś, šmat u čym zaležyć ad namahańniaŭ palitykaŭ, hramadskich dziejačaŭ, usich hramadzian, jakija majuć inšuju sistemu kaštoŭnaściaŭ i ličać, što ciapier «nie ich raskład», a heta prasłojka davoli vialikaja, reziumavaŭ surazmoŭca.
Siarod 16 aŭtaraŭ knihi, pałova ź jakich zamiežnyja, — Leanid Zaika, Devid Marpłz, Julija Čarniaŭskaja, Siarhiej Nikaluk, Vadzim Dubnoŭ, Juryj Zisier, Endru Uiłsan, Juryj Drakachrust.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?