Prapracoŭka asnoŭnych pytańniaŭ i padychodaŭ pa madernizacyi pavinna zaviaršycca sioleta.
Pra heta, jak paviedamlaje pres-słužba ŭrada Biełarusi, zajaviŭ na sielektarnaj naradzie pa pytańniach madernizacyi pradpryjemstvaŭ 10 śniežnia prem'jer-ministr Michaił Miaśnikovič.

«Kožnaje pradpryjemstva pavinna mieć płan madernizacyi, — skazaŭ jon. — Usie płany pavinny być indyvidualnymi, adnak vychadnyja danyja, pa jakich ažyćciaŭlajecca kantrol, a taksama meta, jakaja stavicca, — adzinyja. I heta zakładziena ŭ mietadyčnych padychodach, pryniatych uradam z padačy Ministerstva ekanomiki».

Miaśnikovič źviarnuŭ asobnuju ŭvahu na toje, što hrošy treba ŭkładvać u tyja prajekty, jakija daduć najbolšuju addaču, i hałoŭnaje — chutka.
Pavodle słoŭ premjera, na prajekty pa madernizacyi ŭ nastupnym hodzie ŭ biudžecie praduhledžana 13 trłn. rubloŭ. Vykarystoŭvać nieabchodna i mahčymaści inavacyjnych fondaŭ, a heta faktyčna 3 trłn. rubloŭ. Miaśnikovič dadaŭ, što hetyja srodki buduć nakiroŭvacca na inavacyjnyja, unikalnyja prajekty, jakija sapraŭdy zmohuć pavysić kankurentazdolnaść nacyjanalnaj ekanomiki.

Jak adznačyŭ u svaim dakładzie ministr ekanomiki Mikałaj Snapkoŭ, u Biełarusi sfarmiravana nieabchodnaja sistema narmatyŭna-pravavych aktaŭ, skiravanaja na padtrymku budaŭnictva novych i madernizacyju dziejnych pradpryjemstvaŭ.

Čym bolš prajekt efiektyŭny i stratehična važny, tym na bolšy abjom finansavańnia z boku dziaržavy možna raźličvać. Najvažniejšaj zadačaj pry hetym źjaŭlajecca nabližeńnie Biełarusi da suśvietnaha ŭzroŭniu pa pradukcyjnaści pracy.

Madernizacyja pradpryjemstvaŭ dazvolić da 2015 hoda pavialičyć pradukcyjnaść pracy pa vyručcy na arhanizacyjach, jakija madernizujucca, u 1,7 razu. Pry hetym addača składzie 2 dołara vyručki na 1 dołar układzienych srodkaŭ.

«Pryciahnieńnie biudžetnych srodkaŭ pavinna razhladacca, na naš pohlad, u apošniuju čarhu. Jość reziervy inšych krynic finansavańnia, — zajaviŭ ministr. — Naprykład, viedamstvy i rehijony nadajuć mała ŭvahi takoj krynicy, jak ułasnaść, što nieefiektyŭna vykarystoŭvajecca, ci ŭłasnaść, ad jakoj dziaržava moža lohka admovicca. Praktyčna nie płanujucca takija krynicy, jak zamiežnyja inviestycyi».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?