Як паведаміў праваабаронца БелаПАН па тэлефоне, гэта адбылося на вуліцы Сікорскага прыблізна ў 15.00.
«Аўтамабіль, на якім я ехаў, спынілі супрацоўнікі ДАІ. У мяне праверылі дакументы і, „прабіўшы“ іх па базе, заявілі, што я нібыта хаваюся ад адміністрацыйнага пераследу і мяне адшуквае Ленінскі РАУС Брэста», — сказаў Кісляк.
Праваабаронцу даставілі ў Ленінскі раённы аддзел унутраных спраў.
«Удалося высветліць, што затрыманне звязана з тым, што я не прайшоў дактыласкапію. Але апошнім часам мяне нават не выклікалі наконт гэтага ў міліцыю. І таму лічу ўключэнне ў такую базу даных незаконным», — падкрэсліў Кісляк.
