Мясніковіч скіраваўся з афіцыйным візітам у Казахстан, потым паляціць у Бангладэш і Індыю
Урадавая дэлегацыя Беларусі на чале з прэм'ер-міністрам Міхаілам Мясніковічам адправілася сёння з афіцыйным візітам у Казахстан, паведамілі ў прэс-службе ўрада.
Візіт будзе доўжыцца па 11 лістапада. Запланаваны сустрэчы Міхаіла Мясніковіча з прэзідэнтам Нурсултанам Назарбаевым і прэм’ер-міністрам Серыкам Ахметавым.
Кіраўнік урада Беларусі таксама возьме ўдзел у пасяджэнні беларуска-казахстанскага дзелавога форуму. Акрамя гэтага, чакаецца, што прэм’ер-міністр наведае ў Казахстане сумеснае прадпрыемства ТАА СП «КазБелАЗ», АТ «Кенжэр», міжнародны навукова-вытворчы холдынг «Фітахімія».
З 11 па 13 лістапада адбудзецца афіцыйны візіт урадавай дэлегацыі на чале з Мясніковічам ў Народную Рэспубліку Бангладэш. Кіраўнік урада сустрэнецца з прэзідэнтам гэтай краіны Зілурам Рахманам, а таксама прэм’ер-міністрам Шэйх Хасінай.
З 13 па 15 лістапада Мясніковіч наведае з рабочым візітам Індыю.
Прэм’ер-міністр Беларусі сустрэнецца з прэзідэнтам Пранабам Мукрэджы і прэм’ер-міністрам Манмаханам Сінгхам.
БелТА
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
