У войска будуць браць язвеннікаў і скаліёзнікаў. Тлумачэнне: беларуская медыцына палепшала 22

Гэтай восенню для праходжання тэрміновай вайсковай службы прызавуць каля 9 тысяч чалавек. Яшчэ каля 2 тысяч хлопцаў пойдуць на службу ў рэзерве. Прызыў будзе зроблены з 15 да 30 лістапада, а ў рэзерв — з 22 да 23 лістапада.

Цікава, што ў «спіс хвароб», якія вызваляюць ад тэрміновай вайсковай службы, унесены змены.

У адпаведнасці з сумеснай пастановай Міністэрства абароны і Міністэрства аховы здароўя Беларусі ад 1 жніўня 2012 № 33/85, цяпер на адтэрміноўку не могуць разлічваць гіпертонікі і людзі, якія пакутуюць на скаліёз 2-й ступені з вуглом адхілення да 10 градусаў у становішчы лежачы. Няма супрацьпаказанняў і па язвавай хваробы, але толькі ў выпадках, калі няма перфарацыі і крывацёку, а абвастрэнні здараюцца не часцей за адзін раз у год і не патрабуюць працяглага лекавання.

Чаму было вырашана пайсці на гэты крок?

«Прыняць гэты дакумент дазволіла павышэнне магчымасцяў медыцынскіх установаў па дыягностыцы і лекаванні захворванняў», — кажуць у Міністэрстве абароны.

Паводле БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ