«Крамбамбуля» выпускае новы альбом «Драбадзі-драбада», з класічнымі замежнымі і беларускімі фолк-песнямі. Галоўная неспадзяванка альбома — усе замежныя песні будуць выкананыя не толькі па-беларуску, але і на мове арыгінала.

«Наша Ніва» «змадэлявала» будучы альбом «Крамбамбулі», які афіцыйна ў продажы з’явіцца 21 снежня. Паслухаць арыгіналы амаль усіх замежных песняў можна тут.

Krambambuli

Нямецкая балада, па прызнанні Вольскага, спяваць яе без паперкі пакуль цяжка — усё ж такі нямецкая рытміка не з простых.

Whiskey in the Jar

Класічная ірландская песня, якую спявалі дзясяткі выканаўцаў ад Thin Lizzy да Metallica, хутка можна будзе пачуць і версію «Крамбамбулі».

Cicha woda

Польская песня, якую ў свой час выконваў Эдзі Рознэр, зараз гучыць як стылёвае рэтра, попыт на якое з кожным годам усё падвышаецца.

To nisu Jedra

Харвацкая песня, пераклад якой ужо з’яўляўся ў сеціве — у якасці промаакцыі новага альбома «Крамбабулі»

Konopa

Славацкая песня пра каноплі, якая дзякуючы аматарскім кліпам на серверы YouTube набывае другое жыццё, праўда, акцэнты ў ёй змясціліся да відавочнага кірунку, які так любяць сеціўныя гумарысты. Якой яна будзе ў выкананні «Крамбамбулі» — даведаемся ў панядзелак.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?