Медкамісіі для кіроўцаў у паліклініках Мінска закрыліся

Многія кіроўцы, што разлічвалі прайсці медкамісію ў сваёй паліклініцы, нечакана натыкнуліся на наступную аб’яву.

«Паважаныя пацыенты! У мэтах выканання загаду камітэта па ахове здароўя Мінгарвыканкама ад 08.11.2011 № 716 «Аб арганізацыі работы медыцынскіх камісій для кіроўцаў» камісія для кіроўцаў на базе нашай паліклінікі з 14.11.2011 прыпыняе сваю дзейнасць. Агляд на прыдатнасць да кіравання аўтатранспартнымі сродкамі будзе праводзіцца ў КУП «24-я гарадская паліклініка спецмедаглядаў», — сказана на сайце 14-й паліклінікі Партызанскага раёна.

Аналагічныя аб’явы з’явіліся на сайтах іншых установаў аховы здароўя. Такім чынам, з 14 лістапада медкамісіі ў сталічных паліклініках спынілі працу. Ці дасць рады 24-я патоку кіроўцаў?

«Цяпер у нас нагрузка невялікая. Можна запісацца сёння на заўтра. А часам мы нават прапануем запісацца сёння на сёння. У канцы года заўсёды нагрузка зніжаецца, але так, як цяпер, у нас ніколі не было, — сказала загадчыца аддзялення па аглядзе кіроўцаў 24-й паліклінікі Вольга Калечыц.

Падобна да таго, што ахвотных здаваць на правы зрабілася прыкметна менш.

Прасцей кажучы, кіроўцы скончыліся.

У сувязі з гэтым робіцца зразумела, чаму ўсіх перанакіроўваюць у 24-ю.

interfax.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ