паведаміла дырэктар Рэспубліканскага навукова-практычнага цэнтра отарыналарынгалогіі Людміла Макарына-Кібак 25 лістапада на рэспубліканскай навукова-практычнай канферэнцыі «Сучасныя падыходы ў аказанні спецыялізаванай медыцынскай дапамогі дзецям з моўнымі псіхічнымі парушэннямі» ў Мінску.
Паводле яе слоў, сярод найбольш распаўсюджаных парушэнняў — заіканне, алалія, дызартрыя, затрымка развіцця мовы і іншыя. Сярод пацыентаў РНПЦ отарыналарынгалогіі ў 80% выпадкаў моўная паталогія ўскладнённая іншымі захворваннямі, у асноўным гэта эмацыянальныя расстройствы, гіперкінетычныя расстройствы, расстройствы аўтычнага спектра і іншыя эмацыянальна-паводзінскія расстройствы.
Макарына-Кібак звязвае рост колькасці пацыентаў з парушэннем маўлення з павелічэннем увагі да гэтай праблемы ў Беларусі як з боку бацькоў, так і спецыялістаў,
якія «пачалі разумець, што парушэнні мовы ў раннім узросце, дашкольным і школьным, трэба выяўляць і ў абавязковым парадку лячыць».
Паводле яе слоў, стан пераважнай большасці дзяцей з расстройствам мовы паляпшаецца, калі з імі праводзіцца комплексная праца
ўрачоў-псіхіятраў, неўрапатолагаў, неўролагаў, лагапедаў і сурдапедагогаў.
Ранняе выяўленне нервова-псіхічных парушэнняў, з якімі звязанае расстройства мовы, садзейнічае паляпшэнню камунікатыўных і пазнавальных здольнасцей, школьных навыкаў, якасці жыцця і ў выніку дазваляе папярэдзіць інваліднасць у дзіцяці. У РНПЦ отарыналарынгалогіі для кожнага дзіцяці з парушэннем мовы распрацоўваецца індывідуальная праграма рэабілітацыі. Сярод метадаў лячэння — комплексная фармакатэрапія, фізіятэрапія, акупунктура, іголкаўколванне і рэфлексатэрапія, псіхатэрапія, лагапедычная і псіхалагічная карэкцыя.
У перспектыве на базе РНПЦ отарыналарынгалогіі плануецца правядзенне навукова-практычных распрацовак па даследаванні мовы. Гэта дазволіць надалей правесці ў Беларусі скрынінгавыя даследаванні ў галіне расстройства мовы, забяспечыць комплекснае вывучэнне праблем пацыентаў з парушэннямі моўнага развіцця. Новыя медыцынскія і педагагічныя тэхналогіі плануецца распрацаваць і ўкараніць прымяняльна да розных груп дзяцей.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
