Папулярнасць Пуціна зніжаецца 2

Як паказала апытанне Лявада-цэнтра, калі б выбары прэзідэнта Расіі адбыліся ў найбліжэйшую нядзелю, 31% аддалі б галасы прэм’еру Уладзіміру Пуціну, 7% — прэзідэнту Дзмітрыю Мядзведзеву, лідар КПРФ Генадзь Зюганаў мог бы разлічваць на падтрымку 8% выбаршчыкаў, а лідар ЛДПР Уладзімір Жырыноўскі — на 6%.

Такія звесткі атрыманыя па выніках ініцыятыўнага апытання, якое праводзілася 18–21 лістапада сярод 1600 чалавек ва ўзросце ад 18 гадоў у 130 населеных пунктах 45 рэгіёнаў Расіі.

Сацыёлагі адзначаюць, што з пачатку кастрычніка колькасць расіянаў, гатовых на прэзідэнцкіх выбарах галасаваць за Пуціна, знізілася з 42%.

Прэзідэнцкія выбары ў Расіі пройдуць 4 сакавіка 2012 года.

АГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ