У Мінску пешаходы пабіліся з вадзіцелем 10

Як паведамілі ў аддзеле інфармацыі і грамадскіх сувязяў ГУУС Мінгарвыканкама, прычынай канфлікту стаў выхад пешаходаў на праезную частку у неўстаноўленым месцы. Вадзіцелю, які заўважыў на дарозе людзей, прыйшлося рэзка тармазіць, што не спадабалася парушальнікам — 29-гадоваму мінчаніну і яго 23-гадоваму сябру, якія сталі выказваць прэтэнзіі маладому чалавеку, што быў за рулём.

Выпадковыя сведкі бойкі выклікалі міліцыю. Прыбыўшы на месца здарэння, супрацоўнікі органаў унутраных спраў затрымалі завадатараў канфлікту і пры аглядзе знайшлі ў іх 52,61 грама марыхуаны.

На пешаходаў распачата крымінальная справа за незаконны абарот наркотыкаў, што цягне за сабой да пяці гадоў пазбаўлення волі.

Вячаслаў Будкевіч, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ