Акцыя салідарнасці з Бяляцкім у Вільні

Беларускае Грамадзянска-палітычнае прадстаўніцтва ў Літве (HUB), Беларускі Дом правоў чалавека ў Вільні і арганізацыя Belarus Watch ладзяць 25 лістапада, а 14-й у Вільні, каля будынка пасольства Рэспублікі Беларусь (Mindaugo g. 13), акцыю салідарнасці з Алесем Бяляцкім і ўсімі палітвязнямі Беларусі.

«Просім усіх не заставацца абыякавымі да расправы над вядомым ва ўсім свеце праваабаронцам, які ўсё жыццё паклаў на змаганне за дэмакратыю і чалавечую годнасць, за што зараз і церпіць», — гаворыцца ў звароце арганізатараў.