72 стравы выключна беларускай нацыянальнай кухні прапануе новы рэстаран «Беларуская хата», які афіцыйна адкрыўся сёння ў Маскве на вуліцы Пакроўка за некалькіх сотняў метраў ад пасольства Беларусі ў Расіі,
перадае карэспандэнт БелТА.

«Наша асноўная ідэя — дакладнае захаванне традыцыяў беларускай кухні, мы не збіраемся падладжвацца ні пад маскоўскую публіку ў цэлым, ні пад асобных наведнікаў, — расказаў адзін з заснавальнікаў установы Марат Новікаў. — Мы хочам на рэальным прыкладзе паказаць яднанне народаў Беларусі і Расіі, бо нашым кліентамі з’яўляюцца ў асноўным масквічы, якія могуць адчуць тут цеплыню беларускага народа».

Рэстаран разлічаны на спажыўца са сярэднім дастаткам, хоць ежа ў ім гатуецца незвычайна смачная, нават па маскоўскіх мерках. У канцэпцыю ўстановы ўваходзіць поўная забарона на курэнне. Прычым яна распаўсюджваецца на ўсіх: выключэння не было зроблена нават для міністраў і іншых афіцыйных асобаў, якія ўзялі ўдзел ва ўрачыстым адкрыцці рэстарана. Яшчэ адна асаблівасць — 85% абслуговага персаналу — грамадзяне Беларусі.

Кожную суботу ў «Беларускай хаце» будуць выступаць фальклорныя калектывы. Плануюць адзначаць тут і беларускія дзяржаўныя і нацыянальныя святы, для якіх задумана рыхтаваць спецыяльныя праграмы і распрацоўваць арыгінальнае меню.

Заснавальнікамі новага беларускага рэстарана сталі вядомыя кандытарскія прадпрыемствы Беларусі «Спартак», «Камунарка» і «Слодыч». «Беларуская хата» стала чацвёртай беларускай установай грамадскага харчавання ў Маскве.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?