Працягласць адпачынку выхавацелям садкоў павялічана да 42 дзён 3

У Беларусі павялічана працягласць асноўнага адпачынку педагагічным работнікам дашкольных устаноў з 30 да 42 каляндарных дзён.

Гэта прадугледжана пастановай Саўміна ад 31 мая 2011 года № 679 «Аб унясенні змен у пастанову Савета міністраў Рэспублікі Беларусь ад 24 студзеня 2008 года № 100».

Як паведаміла прэс-служба ўрада, такое рашэнне прынята з мэтай узмацнення сацыяльнай абароны гэтай катэгорыі работнікаў і павышэння прэстыжнасці прафесіі выхавальніка дашкольнай установы.

Пастанова № 679 набудзе моц пасля яе афіцыйнага апублікавання.

Марына Носава, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ