Як паведамляе mfront.net, маладафронтавец Уладзімер Яроменак павінен быў выйсьці на свабоду 26 студзеня, а 20-й гадзіне з Цэнтру ізаляцыі правапарушальнікаў у завулку Акрэсьціна.

Супрацоўнікі Цэнтру ізаляцыі паведамляюць, што Ўладзімера вызвалілі, аднак адвакатка й сябры ня могуць даведацца, дзе ён, і на цяперашні момант яго месцазнаходжаньне невядомае.

Уладзімер Яроменак адбыў 7 сутак зьняволеньня за ўдзел у акцыі 19 сьнежня. На адміністрацыйны арышт ён трапіў пасьля візыту ў КДБ, куды яго прымусова даставілі на допыт у якасьці сьведкі аб масавых беспарадках. Дагэтуль Уладзімер Яроменак ужо адбываў 15-суткавае зьняволеньне за ўдзел у акцыі салідарнасьці на плошчы Незалежнасьці 20 сьнежня.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?