Заходнія СМІ: Назарбаеў жывы і вядзе «лютыя перамовы» з Такаевым
Былы прэзідэнт Казахстана Нурсултан Назарбаеў жывы і вядзе «лютыя перамовы» з цяперашнім лідарам Касым-Жамартам Такаевым аб пераразмеркаванні актываў, распавёў брытанскай The Guardian былы заходні чыноўнік з сувязямі ў Казахстане. Паводле яго дадзеных, барацьба за ўладу ў краіне працягваецца.
«Перамовы [паміж Назарбаевым і Такаевым] працягваюцца», — заявіў выданню былы дарадца першага прэзідэнта Казахстана Ермухамет Ертысбаеў.
Адна з крыніц The Guardian сцвярджае, што першы прэзідэнт Казахстана зараз знаходзіцца ў Кітаі. Але, па словах Ертысбаева, Назарбаеў ўсё яшчэ знаходзіцца ў краіне. «Відавочна, што эпоха Назарбаева скончылася», — дадаў ён.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
