Паводле кіраўніка МЗС Іраку, пры дапамозе краін Еўрасаюза атрымалася вярнуць на радзіму каля 4 тысяч іракцаў. Але некаторыя грамадзяне Ірака яшчэ знаходзяцца ў Літве і ўлады чакаюць іх добраахвотнага рашэння аб вяртанні на радзіму.
Ландсбергіс у сваю чаргу падкрэсліў, што Літва і Ірак працягнуць супрацоўнічаць у міграцыйных пытаннях. Ён нагадаў, што Ірак стаў першай дзяржавай, якая скасавала авіярэйсы ў Беларусь, што выкарыстоўваліся для арганізацыі нерэгулярнай міграцыі. Гэта стала важным фактарам пры супрацьстаянні гэтай міграцыі.
