Новыя стаўкі ўрад зацвердзіў пастановай №758 ад 27 снежня. Такім чынам, практычна на палову будуць зніжаныя пошліны на сырую нафту, мазут, нафтавы бітум, вазелін, парафін і адпрацаваныя нафтапрадукты — з 77,5 даляраў да 46,7 за адну тону, піша Sputnik.by.
Стаўка на прамагонны бензін, якая ў снежні складала 42,6 даляра за тону, зменшаная да 25,6 даляра. Вываз таварных бензінаў, дызельнага паліва, лёгкіх і сярэдніх дыстылятаў, бензолу, талуолу, ксілолу і змазачных алеяў цяпер будзе каштаваць 14 даляраў за тону. У снежні ён складаў 23,2 даляра.
Стаўкі вывазных мытных пошлін мяняюцца кожны месяц. У Беларусі экспартныя пошліны на нафту і нафтапрадукты ў апошні час зніжаліся — пасля таго, як некалькі месяцаў запар мяняліся ў бок павелічэння.
0
0
0
0
0
0
