З якім пачуццём рыхтуешся да этапавання?
— Вельмі люблю падарожнічаць. Чакаю з нецярпеннем. Да новых выпрабаванняў і ўмоў гатовая.
Як спраўляешся з адзінотай у камеры?
— Мае сукамернікі — гэта кнігі найлепшых пісьменнікаў. Што казаць, калі я размаўляю непасрэдна з вялікім Арыстоцелем. А калі трэба расслабіцца — перачытваю «Гары Потэра».
Ты ўсё яшчэ верыш у сваю фразу «Я магу ўсё змяніць»?
— Абсалютна, бо першае, што ўсе мы ўжо зрабілі — мы змяніліся.
Топ-3 падзей за год.
1. Незабыўныя спатканні з татам.
2. Неверагодныя сустрэчы з Максам падчас суда.
3. Асабістыя дасягненні: больш за 120 прачытаных кніг, фізпадрыхтоўка (асабліва бег па марозе).
