У 2018 годзе наймацнейшыя гульцы свету не змаглі прыняць удзел у Алімпіядзе ў карэйскім Пхёнчхане з-за таго, што кіраўніцтва НХЛ адмовілася зрабіць перапынак у календары лігі з-за фінансавых супярэчнасцяў з Міжнародным алімпійскім камітэтам.
Фота: nhl.com
Гэтым разам папярэднія дамоўленасці былі дасягнутыя і хакейныя зборныя нават ужо абвясцілі папярэднія склады, у некаторых цалкам складзеныя з энхаэлаўцаў. Але перашкодай стаў каранавірус. Колькасць гульцоў НХЛ, якія патрапілі пад дзейнасць пратакола бяспекі COVID-19, перакрочыла сотню, таму і было прынята такое рашэнне.
Зімовая Алімпіяда пройдзе ў Пекіне з 4 па 20 лютага 2022 года. А каманды НХЛ у гэты час будуць гуляць матчы, якія цяпер пераносяцца з-за таго, што некаторыя каманды мусяць выпраўляцца на каранцін.
Для зборнай Беларусі ад гэтага, аднак, нічога не мяняецца. Яе гульцы ўсё адно будуць глядзець Алімпіяду толькі па тэлевізары, бо не прайшлі адбору.
Хакейная зборная Беларусі не змагла заваяваць пуцёўкі на Алімпіяду-2022
