Сёння прайшло лёсаванне адборачнага турніру ў Еўропе да чэмпіянату свету па футболе — 2022.
Еўрапейскія каманды былі разбітыя на 10 груп па 5 ці 6 каманд.
Беларусь трапіла ў групу Е да Бельгіі, Уэльса, Чэхіі і Эстоніі.
Напрамую на чэмпіянат свету выходзіць пераможца групы. Зборная, што зойме другое месца, разам з іншымі дзевяццю камандамі з іншых груп, а таксама двума найлепшымі дружынамі з Лігі нацый (г.зн. усяго 12 каманд), у міні-турніры вызначыць трыа шчасліўчыкаў.
Ад Еўропы на чэмпіянат свету едзе 13 зборных.
Адборачны турнір пройдзе у 2021-м годзе, пачынаючы з сакавіка. Чэмпіянат свету адбудзецца ў лістападзе-снежні 2022 года ў Катары.
***
Іншыя групы:
Група A: Партугалія, Сербія, Ірландыя, Люксембург, Азербайджан.
Група B: Іспанія, Швецыя, Грэцыя, Грузія, Косава.
Група C: Італія, Швейцарыя, Паўночная Ірландыя, Балгарыя, Літва.
Група D: Францыя, Украіна, Фінляндыя, Боснія, Казахстан.
Група F: Данія, Аўстрыя, Шатландыя, Ізраіль, Фарэры, Малдова.
Група G: Нідэрланды, Турцыя, Нарвегія, Чарнагорыя, Латвія, Гібралтар.
Група H: Харватыя, Славакія, Расія, Славенія, Кіпр, Мальта.
Група I: Англія, Польшча, Венгрыя, Албанія, Андора, Сан-Марына.
Група J: Германія, Румынія, Ісландыя, Паўночная Македонія, Арменія, Ліхтэнштэйн.
