Рабочы завода «Атлант» Віктар Манкевіч залез на трубу завода з бел-чырвона-белым сцягам і запісаў зварот да Лукашэнкі.
«Я, рабочы завода «Атлант», Манкевіч Віктар Анатольевіч, прызнаю сваім прэзідэнтам Святлану Ціханоўскую і нагадваю Аляксандру Рыгоравічу аб выстаўленым ультыматуме. Вы павінны абвясціць пра свой сыход, вы павінны спыніць гвалт, вы павінны вызваліць усіх палітвязняў. Не разбурайце нашу краіну! Калі ў вас ёсць нешта чалавечае, калі вы сапраўды дзесьці перажываеце за Беларусь, — ідзіце, ідзіце зараз, пакуль не позна!», — сказаў ён.
На месца прыехалі работнікі МНС і міліцыя. Потым Манкевіч злез з трубы.
