Медыкі 6-й Гарадской клінічнай бальніцы сёння раніцай выйшлі ў падтрымку ўсіх страйкоўцаў і рэпрэсаваных.
«Мы не маем маральнага права страйкаваць, але выказваем сваю салідарнасць усім адважным людзям, якія не баяцца адстойваць нашыя правы. Мы ў думках з усімі палітвязнямі, студэнтамі, рабочымі, пенсіянерамі. Мы ўдзячныя ўсім за барацьбу і падтрымліваем кожнага і кожную,» — напісалі нам медыкі і даслалі відэа.
Ніводны пацыент не пацярпеў, бо медыкі выходзілі выключна ў непрацоўны час.
