Праваабаронцам стала вядома аб затрыманні як мінімум чацвярых удзельнікаў акцыі, якая прайшла 5 мая ў Магілёве. Нагадаем, тады людзі не далі міліцыі затрымаць прыхільнікаў блогера Сяргея Ціханоўскага.
Праваабаронца «Магілёўскай вясны» Саша Райкан паведаміў пра затрыманне Сцяпана Лазаронка — аднаго з тых, хто адбіваў чалавека ў міліцыі.
Акрамя таго, MSPRING.ONLINE мае інфармацыю, што ў ІЧУ УУС Магілёўскага аблвыканкама ўтрымліваюцца яшчэ двое чалавек — Арцём Сакаў і вядучы стрыма Уладзімір Няронскі, які замяніў Сяргея Ціханоўскага на сустрэчы з магілёўцамі.
