life:) працягвае пашыраць сетку 4G: аператар запусціў 176 новых базавых станцый у 32 населеных пунктах Беларусі. Сувязь чацвёртага пакалення ўпершыню стала даступная абанентам life:) у аграгарадку Новы Двор Мінскага раёна і вёсцы Слабада Петрыкаўскага раёна.
Новыя базавыя станцыі з'явіліся ў Мінскім, Гродзенскім, Віцебскім, Гомельскім, Аршанскім, Полацкім, Наваполацкім, Салігорскім, Барысаўскім, Уздзенскім, Талачынскім, Бешанковіцкім, Слуцкім, Дубровенскім і Пастаўскім раёнах.
Значна павялічана колькасць базавых станцый 4G у Жодзіне, Барысаве, Полацку і Наваполацку. Па адной базавай станцыі дадаткова атрымалі Салігорск, Маладзечна, Дзяржынск, Стоўбцы, Калодзішчы, Тарасава, Мар'іна Горка, Глыбокае, Нясвіж, Слуцк, Баравая (Мінскі раён), Старыя Дарогі, Гарадок, Балбасава (Аршанскі раён), Слабада.
Усе лакацыі для новых базавых станцый былі абраныя зыходзячы з загружанасці і патрэбаў абанентаў. Іх запуск павялічвае якасць і хуткасць перадачы дадзеных і дазваляе абанентам карыстацца мабільным інтэрнэтам на больш камфортных хуткасцях.
— Доля карыстальнікаў 4G сярод абанентаў life:) расце з кожным днём і сёння складае больш за 60%. Таму мы ўвесь час пашыраем сетку і гатовыя да нарастаючых нагрузак. Ужо ў найбліжэйшы час у нашай сетцы стануць даступныя новыя базавыя станцыі 4G у населеных пунктах краіны. Развіццё 4G-сеткі не толькі ў буйных гарадах, але і ў рэгіёнах — гэта наступны крок для забеспячэння максімальнага камфорту нашых абанентаў на тэрыторыі ўсёй Беларусі, — пракаментаваў намеснік генеральнага дырэктара life:) па мабільнай сетцы Ігар Сасонкін.
Праект па развіцці 4G-сеткі life:) праводзіць у партнёрстве з інфраструктурным аператарам BeCloud. Сёння ў life:) 1708 базавых станцый стандарту 4G па ўсёй Беларусі. Па выніках жніўня 2019 года ў сярэднім абаненту life:) дастаткова каля 6ГБ мабільнага трафіку ў месяц. Больш за ўсё выкарыстоўваюць мабільны інтэрнэт абаненты Мінскага і Гомельскага рэгіёнаў.
