Фота Yerchak Uladzimir, Shutterstock.com.
«За два гады скрадзена 17 з 20 шыльдачак symbal.by», — піша Павел Белавус.
«Два гады назад мы пераклалі папулярныя народныя фразы на беларускую мову і зрабілі шыльдачкі для фотазоны. Вазілі іх на розныя фестывалі і святы. І абавязкова пасля кожнага мерапрыемства не далічваліся адной ці дзвюх шыльдачак.
Рэкорд быў у гэтыя выходныя ў Лідзе — скралі 7 з 10.
На «Лідбіры» я заўважыў адну кампанію, якая трымала нашыя шыльдачкі і падышоў спытаць, дзе яны іх узялі.
Сказалі, што іх ім падарылі. Калі патлумачыў, што гэта не праўда і яны іх забралі з фотазоны ды трэба пакласці на месца, то паабяцалі вярнуць.
Але здагадайцеся — ці вярнулі?
Можа гэта і добра, што мова беларуская такая прыцягальная, што хочацца яе скрасці?
У памяць аб нашых шыльдачках затое засталося шмат мілых фотак».
