Два профільныя камітэты Дзяржаўнай рады Татарстана парэкамендавалі парламенту рэспублікі не падтрымліваць ініцыятыву аб устанаўленні 11 лістапада памятнай даты Расіі — Дня заканчэння Вялікага стаяння на рацэ Угры (1480 год).
Як адзначыў старшыня Камітэта па дзяржаўным будаўніцтве і мясцовым самакіраванні Альберт Хабібулін, праект закона выклікаў неадназначную рэакцыю ў грамадстве, а яго прыняцце прывядзе да расколу шматнацыянальнага грамадства краіны і негатыўна адаб'ецца на палітычнай абстаноўцы ў Расіі. Для абмеркавання пытання на пасяджэнне былі запрошаны вядомыя навукоўцы Татарстана. Па іх словах, стаянне на рацэ Угры не з'яўляецца значнай гістарычнай падзеяй.
«Не трэба гуляць гісторыяй нашага шматнацыянальнага народа», — заявіў у сваю чаргу дэпутат Хафіз Міргалімаў. Па законапраекце 28 жніўня будзе праведзена «завочнае галасаванне». Пасля гэтага спікер Дзяржаўнай рады Фарыд Мухаметшын накіруе водгук у расійскі парламент.
