Аляксандр Лукашэнка не скарыстаецца запрашэннем прэзідэнта Польшчы Анджэя Дуды прыехаць у Варшаву на адзначэнне 80-х угодкаў пачатку Другой сусветнай вайны, паведамляе Rzeczpospolita, спасылаючыся на абазнаную крыніцу ў Мінску.
Паводле выдання, кіраўнік Беларусі адмовіўся прыехаць у Польшчу, бо не запрасілі прэзідэнта Расіі Уладзіміра Пуціна. Па гэтай жа прычыне, паводле згаданай крыніцы, улады Беларусі не адважыліся дэлегаваць у Варшаву высокапастаўленага палітыка.
Газета зазначае, што на мерапрыемствах 1 верасня ў Варшаве Беларусь будзе прадстаўляць пасол Уладзімір Чушаў.
