Выпадак шаленства зарэгістраваны ў вёсцы Пляхаўшчына Бярозаўскага раёна, паведаміў БелТА ў раённай ветэрынарнай станцыі.
Інцыдэнт адбыўся 22 ліпеня. На адзін з падворкаў забегла лісіца. Яна паводзіла сябе неадэкватна і агрэсіўна: ускочыла ў склеп, дзе загрызла ката. Гаспадар здолеў замкнуць, а затым забіць звера.
У лісіцы было выяўлена шаленства. Па прапанове раённай ветэрынарнай станцыі Бярозаўскі райвыканкам прыняў рашэнне аб увядзенні на тэрыторыі Пляхаўшчыны двухмесячнага каранціну.
Дарослых і дзяцей папярэдзілі, каб пазбягалі непасрэднага кантакту з жывёламі, якія могуць быць пераносчыкамі вірусу.
Гэта ўжо трэці з пачатку года выпадак шаленства ў Бярозаўскім раёне.
0
0
0
0
0
0
