«Наша Ніва» паведамляла пра абсурдную сітуацыю, якая склалася ў Слоніме: да Дня беларускага пісьменства там рыхтавалі графіці, якое збіраліся аформіць па-руску.
«Чаму ў Слоніме графіці да Дня беларускага пісьменства робяць па-руску?!» ФОТАФАКТ
Як стала вядома «Нашай Ніве», надпіс аформяць усё ж па-беларуску.
Нагодай стала абурэнне людзей, пра гэта нам паведамілі ва ўпраўленні ідэалогіі Слонімскага райвыканкама.
«Пераробім, бо гэта ўсё ж Дзень беларускага пісьменства. Мы вырашылі прыслухацца да людзей — чыталі водгукі ў сацыяльных сетках, маніторылі», — патлумачыла намесніца начальніка ўпраўлення ідэалогіі Слонімскага райвыканкама Наталля Ганчарук.
0
0
0
0
0
0
