На жыхара Калінкавічаў, які скраў з хаты знаёмага ласіныя рогі, завялі крымінальную справу за рабаванне з гвалтам, паведамляе УУС Гомельскага аблвыканкама.

23-гадовы малец папрасіў у 59-гадовага знаёмага грошы на алкаголь, але той адмовіў.

Тады малодшы збіў старэйшага і забраў з кватэры ласіныя рогі, якія выкарыстоўваліся ў якасці вешалкі. На працягу паўгадзіны ён знайшоў на іх пакупніка і збыў. Неўзабаве мужчына быў затрыманы.

Распачата крымінальная справа за рабаванне, злучанае з гвалтам. Маладзёну пагражае да 6 гадоў зняволення. Зрэшты, ён ужо быў судзімы за крадзеж, некалькі месяцаў таму выйшаў на волю.

Пацярпелы ад шпіталізацыі адмовіўся.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?