У Мінску былы работнік банка незаконна афармляў на кліентаў крэдытныя дагаворы, а атрыманыя грошы прайграваў у казіно, паведамляе ГУУС Мінгарвыканкама.

Сума выкрадзенага склала 10 тысяч рублёў.

Былы супрацоўнік банка меў доступ да базы даных з тэлефонамі кліентаў. Ён у рэжыме анлайн афармляў на іх крэдытныя дагаворы. Пасля ад іх імя атрымліваў грошы і прайграваў іх у казіно.

Распачатая крымінальная справа па ч.3 арт.212 КК (крадзеж шляхам выкарыстання камп'ютарнай тэхнікі).

Клас
Панылы сорам
Ха-ха
Ого
Сумна
Абуральна