Вікторыя Азаранка і Арына Сабаленка прайгралі ў парным разрадзе дуэту Таццяна Марыя (Германія) і Леся Цурэнка (Украіна) з лікам 1:2 (6:3, 2:6, 4:10) на тэнісным турніры катэгорыі «Прэм'ер» у амерыканскім Маямі, паведамляе карэспандэнт БелТА.
Беларускі паспяхова пачалі сустрэчу, але зрабілі занадта шмат памылак у другой партыі, дазволіўшы саперніцам перахапіць ініцыятыву.
У Маямі барацьбу ў адзіночным разрадзе з беларусак працягвае Вікторыя Азаранка, якая выйшла ў трэці круг і згуляе 24 сакавіка а 22:00 з Анастасіяй Севаставай з Латвіі.
