ria.ru
26 снежня ў Маскве пройдзе нефармальная сустрэча лідараў краін — удзельніц Садружнасці незалежных дзяржаў, паведамляе Tut.by са спасылкай на прэс-службу Крамля.
У сустрэчы прымуць удзел прэзідэнт Азербайджана Ільхам Аліеў, прэзідэнт Арменіі Серж Саргсян, Аляксандр Лукашэнка, прэзідэнт Казахстана Нурсултан Назарбаеў, прэзідэнт Кыргызстана Сааранбай Жээнбекаў, прэзідэнт Малдовы Ігар Дадон, прэзідэнт Таджыкістана Эмамалі Рахмон і прэзідэнт Узбекістана Шаўкат Мірзіёеў.
Кіраўнікі дзяржаў падвядуць вынікі расійскага старшынства ў СНД у 2017 годзе і абмяняюцца думкамі па пытаннях далейшага развіцця супрацоўніцтва ў розных галінах.
На сайце прэзідэнта Беларусі пакуль няма дадзеных пра паездку ў Маскву на гэту сустрэчу.
