Руіны іспанскага горада Мансілья-дэ-ла-Сьера ў правінцыі Рыёха, затопленага амаль 60 гадоў таму, паказаліся з-пад вады ў выніку працяглай засухі, піша The Daily Mail.
Reuters
Горад Мансілья-дэ-ла-Сьера за 270 км на поўнач ад Мадрыда прыйшлося затапіць у 1959 годзе, каб вызваліць месца для пашырэння вадасховішча. Усіх жыхароў населенага пункта перасялілі ў пабудаваную побач новую аднайменную вёску.
З тых часоў большую частку года горад застаецца пад вадой, і руіны зноў з'яўляюцца на паверхні толькі ў выніку моцнай засухі. Узровень вады апускаецца дастаткова, каб дазволіць цікаўным «даследчыкам» і турыстам прагуляцца па былым горадзе і вывучыць тое, што ад яго засталося.
Наведвальнікі могуць прайсціся па пешаходных дарожках і паназіраць за крохкімі будынкамі, закамянелымі дрэвамі і зруйнаванымі мастамі. Усё гэта разам стварае захапляльны і адначасова жудасны пейзаж.
