Сеул адказаў на чарговыя ракетныя выпрабаванні Пхеньяна. Як паведаміў прэс-сакратар прэзідэнта Паўднёвай Карэі, чатыры знішчальнікі F-15K скінулі бомбы на палігон, размешчаны паблізу мяжы з КНДР. Падчас вучэнняў была адпрацаваная атака на паўночнакарэйскае кіраўніцтва, паведамляе Радыё Польшча.
Нацыянальная рада бяспекі Паўднёвай Карэі асудзіла ракетны запуск, назваўшы яго парушэннем рэзалюцыі ААН. Згодна з дакументам, Пхеньяну забароненыя запускі балістычных ракет.
Нагадаем, сёння Паўночная Карэя правяла чарговы запуск ракеты. На гэты раз балістычны снарад праляцеў над тэрыторыяй Японіі, пасля чаго зваліўся ў воды каля Хакайда.
