Расійскі фігурыст Яўген Плюшчанка вырашыў вярнуцца ў вялікі спорт і прыняць удзел у Алімпійскіх гульнях у 2018 годзе.
sport.kazanfirst.ru
«Цяпер я магу сказаць, што вяртаюся ў спорт. Паволі пачынаю трэніравацца і ў бліжэйшы час выйду на спаборніцтвы», — заявіў ён.
Плюшчанка плануе прыняць удзел у этапах гран-пры восенню 2015 года, патрапіць у склад зборнай на чэмпіянаты Еўропы і свету. «Асноўная мэта — падрыхтавацца да Алімпійскіх гульняў 2018 года», — адзначыў ён.
Да таго часу Плюшчанка споўніцца 35 гадоў. На Алімпійскіх гульнях 2014 у Сочы Плюшчанка ў камандным турніры дапамог заваяваць перамогу Расіі, але перад пракатам адзіночнай праграмы зняўся са спаборніцтваў з-за траўмы спіны. Пасля гэтага спартсмен перанёс аперацыю ў адной з клінік Ізраіля.
