фотаздымак з twitter.com
Не толькі Віктару Марціновічу не падабаецца сэкс у клубах — перадусім з непажаданым сэксам падчас вечарынак змагаюцца дзяўчаты. Бо гэта нам падсоўваюць бясплатныя напоі мужчыны ў добрых касцюмах. Камусьці можа не пашанцаваць і акрамя некарыснай сумесі энергетычнага напою і гарэлкі на дне кактэйлю можа хутка растварыцца гэтак званая «таблетка гвалту».
У ЗША чацвёра студэнтаў вырабілі лак для пазногцяў, які здольны змяняць свой колер, калі ў напой патэнцыйнай ахвяры дададзена якое-небудзь рэчыва, напрыклад, наркотык або снатворнае. Інавацыйны праект называецца «Undercover Colors».
Стваральнікі праекту,фотаздымак з twitter.com
Калі лак для пазногцяў на апушчаным у шклянку пальцы мяняе колер — значыць, вас хочуць адурманіць, тлумачаць вынаходнікі.
«З нашым лакам любая жанчына зможа адчуваць сябе ў бяспецы, проста памяшаўшы свой напой пальцам. Калі лак зменіць свой колер, яна будзе ведаць, што нешта не так», — гаворыцца ў тлумачэнні студэнтаў на старонцы ў Facebook.
Пакуль вытворчасць гэтага лаку знаходзіцца ў стадыі даследавання і распрацоўкі.
Але будзем спадзявацца, што ў найбліжэйшы час лак з'явіцца ў продажы і ў Беларусі.
