Следчым упраўленнем УСК Беларусі па Гомельскай вобласці распачата справа па ч. 3 арт. 339 (асабліва злоснае хуліганства) Крымінальнага кодэкса Беларусі па факце НЗ у адным з садова-агародніцкіх таварыстваў Гомельскага раёна, дзе 20 верасня спрацавала неўстаноўленае выбуховае прыстасаванне.
У выніку выбуху быў пашкоджаны фасад дома і аўтамабіль, паведаміла афіцыйны прадстаўнік УСК па Гомельскай вобласці Марыя Крываногава.
Падчас агляду месца здарэння знойдзены элементы выбуховага прыстасавання. Праводзяцца неабходныя экспертызы.
Супрацоўнікі створанай для расследавання следчай групы ва ўзаемадзеянні з праваахоўнымі органамі Гомельскай вобласці праводзяць комплекс мерапрыемстваў па ўстанаўленні асобы, датычнай да ўчынення злачынства.
0
0
0
0
0
0
