Дваццаціаднагадовы кіроўца аўтамабіля «ВАЗ 2108» у Калінкавічах 21 верасня ўчыніў наезд на 13-гадовую дзяўчынку-пешахода, якая пераходзіла праезную частку па рэгуляваным пешаходным пераходзе на зялёны сігнал святлафора.
Як паведамляе УДАІ УУС Гомельскага аблвыканкама, пешаход атрымала ў ДТЗ цялесныя пашкоджанні, а кіроўца аўтамабіля з месца здарэння ўцёк. Ён быў затрыманы падчас аператыўна-вышуковых мерапрыемстваў.
19 верасня 25-гадовы кіроўца, кіруючы аўтамабілем «Фальксваген-Гольф» у Мазыры, учыніў наезд на 15-гадовую дзяўчынку, якая пераходзіла праезную частку па пешаходным пераходзе. Пешаход атрымала цялесныя пашкоджанні і дастаўлена ў медыцынскую ўстанову.
0
0
0
0
0
0
