У міліцыю па факце прычынення цялесных пашкоджанняў звярнуўся 26-гадовы мінчанін, паведамляе ГУУС Мінгарвыканкама. Па словах пацярпелага, каля гадзіны ночы яго проста ў цягніку збіла група маладых людзей, выштурхаўшы потым з вагона на станцыі метро «Пушкінская». Падазраваныя ў здзяйсненні хуліганскіх дзеянняў выйшлі на станцыі «Кунцаўшчына».
Цяпер супрацоўнікі Фрунзенскага РУУС сталіцы па гэтым факце праводзяць праверку. Сталічная міліцыя просіць грамадзян, якія пазналі маладых людзей або маюць інфармацыю аб тым, што адбылося, паведаміць пра гэта. Канфідэнцыйнасць і ўзнагароджанне гарантуюцца.
0
0
0
0
0
0
