Новыя санкцыі супраць Расіі будуць апублікаваныя да канца тыдня.

Пра гэта паведаміў спікер прэм'ер-міністра Вялікабрытаніі, піша Reuters.

Паводле яго слоў, еўрапейскія лідары размаўлялі раніцай ў чацвер і дамовіліся ўвесці пакет санкцый супраць Расіі ў канцы тыдня.

«Сёння раніцай прэм'ер-міністр правёў тэлефонную размову з еўрапейскімі лідарамі, у прыватнасці прэзідэнтам Еўрапейскага савета Германам Ван Рампеем, канцлерам Меркель, прэзідэнтам Аландам і прэм'ер-міністрам Рэнца», — сказаў спікер Кэмерана.

«Яны абмяркоўвалі тэму санкцый у дачыненні да Расіі ў кантэксце Украіны і пачатак рэалізацыі пакета санкцый, які быў узгоднены ў пачатку тыдня», — адзначыў ён.

«Еўрапейскія лідэры дасягнулі згоды, што санкцыі павінны быць апублікаваныя да канца тыдня», — сказаў спікер.

«Узмацненне санкцый працуе і таму надзвычай важна, каб гэтыя санкцыі былі імплементаваная», — адзначыў ён.

Як вядома, санкцыі ўступаюць у сілу пасля іх публікацыі ў афіцыйным часопісе Еўрапейскага Саюза.

Нагадаем, 10 верасня міністр замежных спраў Італіі і новаабраны высокі прадстаўнік ЕС па знешняй палітыцы і бяспецы Фрэдэрыка Магерыні заявіла, што з санкцыямі супраць Расіі трэба пачакаць.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?