Рада Еўрасаюза зацвердзіла ўвядзенне новых санкцый супраць Расіі. Пра гэта заявіў у панядзелак, 8 верасня, старшыня Еўрапейскай рады Херман Ван Рампей.
Санкцыі ўступяць у сілу ў бліжэйшыя некалькі дзён, гэта пакіне час для ацэнкі рэалізацыі перамір'я ва Украіне, падкрэсліў старшыня ЕС.
Санкцыі павінны былі прыняць да 16:00. Раней 28 пастаянных прадстаўнікоў краін ЕС дасягнулі адпаведнай дамоўленасці. Аднак, як паведаміла Agence France-Press са спасылкай на крыніцу, «не ўсе дзяржавы прыйшлі да пагаднення (па санкцыях)». Якая менавіта краіна выступіла з пярэчаннямі, не ўдакладнялі.
Журналіст Financial Times Пітэр Шпігель напісаў у твітары, што прыняцце абмежаванняў затрымала Фінляндыя.
Яна «запярэчыла супраць прыняцця санкцый ЕС у дачыненні да Расіі не па сутнасці, хутчэй для ўдакладнення, што яны (санкцыі) могуць быць адкладзеныя, калі перамір'е (ва Украіне) працягнецца», — растлумачыў журналіст.