Apošni dzień Belarus Fashion Week — fotarepartaž

06.11.2012 / 17:06

Apošni dzień Belarus Fashion Week u adroźnieńnie ad papiaredniaha byŭ vielmi nasyčanym. Kožny pakaz stvaraŭ zator u dźviarach, miescaŭ volnych nie było, nie tolki dla naviedvalnikaŭ, ale i dla fotakarespandentaŭ, uźnikali navat svarki za lepšuju pazicyju dla fota, ale abyjšłosia biez achviaraŭ.

Kalekcyja Volhi Kučarenki.

Kalekcyja Natałli Curan.

Kalekcyja Natałli Curan

Kalekcyja Natałli Curan.

Instalacyja dyzajnieraŭ-udzielnikaŭ konkursa

Sotni ludziej u ekstravahantnych i modnych uborach zapaŭniali choł. Pakazy zatrymlivali, ale nichto nie aburaŭsia, a z razumieńniem čakali prezientacyj novych i novych kalekcyj. Kožnaja ź ich supravadžalisia škvałam apładyśmientaŭ i ažyŭlenym abmierkavańniem.

Arhanizacyju prajekta aceńvali pa-roznamu, naviedniki krytykavali techničnaje zabieśpiačeńnie, dyzajniery — vyšyniu podyuma, ale ŭsie pahadzilisia, što palepšylisia ŭmovy praviadzieńnia Belarus Fashion Week u paraŭnańni z minułym hodam

Naviedvalniki aceńvali pakazy nastupnym čynam: «Z kožnym novym siezonam z’iaŭlajucca novyja dyzajniery, tamu možna bačyć šmat novych i cikavych pakazaŭ. Viadoma ž byli i niedachopy, ale stanoŭčyja tendencyi prahladajucca. Jašče nie vielmi dobra byli padabranyja madeli. A ŭvohule, ja rad, što u Biełarusi z’iavilisia ludzi paśla časoŭ SSSR, jakija cikaviacca i raźvivajuć modu. Budziem spadziavacca, što praz niekalki hod Belarus Fashion Week dasiahnie suśvietnaha ŭzroŭniu».

Nu, a my ŭ svaju čarhu prapanoŭvajem i vam acenić kalekcyi adzieńnia, jakija byli pradstaŭleny ŭ apošni dzień Belarus Fashion Week.

Volha Harapučyk