Польскі журналіст затрыманы ў Слоніме, кіруючы нападпітку

21.09.2012 / 18:32

Раніцай 21 верасня ў Слоніме быў затрыманы карэспандэнт польскага тэлебачання, які прыехаў у Беларусь для асвятлення ходу выбараў у парламент.

Як паведаміла ўпраўленне ДАІ УУС Гродзенскага аблвыканкама,

журналіст знаходзіўся за рулём «Форда-Мандэа» ў стане алкагольнага ап’янення.
Медыцынскі агляд ўстанавіў утрыманне пароў алкаголю ў паветры, што выдыхаецца, 0,77 праміле. Вадзіцель ад кіравання аўтамабілем адхілены. Па факце парушэння распачаты адміністрацыйны працэс.