Традыцыйныя вучнёўскія парты вернуцца ў школы Мінска
29.08.2012 / 13:49
Пра гэта сёння паведаміла журналістам загадчыца аддзялення гігіены дзяцей і падлеткаў Мінскага гарадскога цэнтра гігіены і эпідэміялогіі Валянціна Жыхар.
Зараз каля 10% сталічных школ замянілі сталы і крэслы на традыцыйныя парты. Гэтая мэбля ў далейшым будзе набывацца па меры зносу папярэдняй.
«Парты сканструяваныя такім чынам, што паміж сталом і дзіцём ёсць неабходная адлегласць. Яны адпавядаюць гігіенічным патрабаванням, што прад’яўляюцца да вучнёўскай мэблі, і спрыяюць паляпшэнню якасці навучальнага працэсу», — упэўнена спецыяліст.