Украіна плануе цалкам забяспечыць сябе газам уласнай прадукцыі
Royal Dutch Shell і Chevron распрацоўваюць радовішчы на шэльфе, але галоўнае спадзяванне — на амерыканскія тэхналогіі здабычы сланцавага газу.
16.05.2012 / 11:53
Новыя свідравіны на шэльфе Азоўскага мора дадуць ад 3 да 5 млн кубаметраў газу. Цалкам у моц яны ўвойдуць да 2016 года. Адначасова ўрад Украіны арганізуе новыя тэндары на разведку і здабычу сланцавага газу. Яго радовішчы, як мяркуецца, працягнуліся праз увесь захад і цэнтр краіны. Здабыча сланцавага газу стала магчымай дзякуючы наватарскіх тэхналогіям, распрацаваным у ЗША. У выніку распрацоўкі такіх радовішчаў у Амерыцы, краіна з чыстых імпарцёраў вуглевадародаў ператвараецца ў чыстага экспарцёра.
Тэрміновая праграма інвестыцый у нафтагазавы сектар стала адказам Кіева на касмічныя тарыфы на газ, які пастаўляе Расія.