Саннікаў: «Я ў нармальным стане»
4 красавіка Андрэя Саннікава ў віцебскай калоніі «Віцьба-3» наведаў адвакат.
04.04.2012 / 17:31
Жонка палітвязня Ірына Халіп распавяла:
«З Андрэем сустрэлася ягоны адвакат, і яны амаль тры гадзіны працавалі над дакументамі. Наколькі я ведаю, вывучалі справаздачу АБСЕ па падзеях 19 снежня і ўсіх снежаньскіх справах. Ведаю, што яны папрацавалі плённа. Вядома, што пра сябе Андрэй распавесці не мог, бо гаварыць пра сябе яму забаронена. Толькі сказаў, што на здароўе асабліва не скардзіцца, знаходзіцца ў нармальным стане».