Sajt «Chartyja'97» paŭtorna ŭzłamany, prypyniŭ pracu

Pravodzicca rasśledavańnie. Pakul jano nie zavieršana, na praciahu niekalkich dzion sajt moža nie pracavać.

30.12.2011 / 17:22

Jak paviedamiła redaktarka apazicyjnaha resursu Natalla Radzina, dniom 30 śniežnia, kala 15-j hadziny, nieviadomyja pačali mianiać źmiest infarmacyjnych materyjałaŭ, tamu redakcyja pakul źniała z sajta ŭsie apošnija natatki.

«Pravodzicca rasśledavańnie. Pakul jano nie zavieršana, na praciahu niekalkich dzion sajt moža nie pracavać», — skazała Radzina. Jana zajaviła, što ŭzłom resursu 29 i 30 śniežnia, a taksama DDoS-ataka, jakaja była ŭ pieršy dzień, — sprava biełaruskich śpiecsłužbaŭ.

Redakcyja «Chartyi» znachodzicca ŭ Litvie, dzie Radzina atrymała palityčny prystanak. Jana była abvinavačana pa kryminalnaj spravie ab masavych biesparadkach u Minsku 19 śniežnia 2010 hoda.