Abvinavačvańnie: Kanavałaŭ zahadzia vybiraŭ dla siabie biaśpiečnaje miesca na stancyi «Kastryčnickaja»
Taki kamientar zrabiŭ siońnia dziaržabvinavaŭca Dźmitryj Cimafiejeŭ, kali byli pakazany kadry z kamier nazirańnia.
23.09.2011 / 16:09
jakija źniali dziejańni Dźmitryja Kanavałava.
U sudzie prademanstravali, jak Kanavałaŭ jeździŭ na raźviedku da miesca budučaha vybuchu. U pryvatnaści, vidać,
jak ion idzie pa tunelu z «Kupałaŭskaj» na «Kastryčnickuju» i prypyniajecca na vychadzie z iaho, hladzić na budučaje miesca zakładki bomby.Pakidajučy stancyju, jon taksama abaročvajecca. «Vybraŭ dla siabie biaśpiečnaje miesca», — prakamienciravaŭ dziaržabvinavaŭca.
Akramia taho, siońnia byli pradstaŭleny kadry z zapisu sistemy videanahladu, zroblenyja ranicaj 10 krasavika na čyhunačnym vakzale ŭ Viciebsku. Na ich adlustravany Kanavałaŭ z sumkaj. Z videazapisu zrazumieła, što jon u toj dzień niekatory čas znachodziŭsia na vakzale, vypiŭ niejki napitak, vierahodna, kavu abo čaj. Potym Dźmitryj uziaŭ sumku i pajšoŭ da vychadu. Sumka była z nadpisam West. Mienavita pra takuju sumku havaryŭ u svaich pakazańniach Kavaloŭ.
«Davoli važkaja, ciažkaja sumka, jamu davodzicca nachilacca, kab nieści»,— adznačyŭ prakuror u čas demanstracyi zapisaŭ.
Pakazali ŭ sudzie i kadry z vakzała
Na ich vidać, jak Kanavałaŭ idzie z sumkaj, vyjšaŭšy z ciahnika. U tym liku jon idzie pa padziemnym pierachodzie.Pakazany i kadry sa stancyi «Kastryčnickaja», kali z ciahnika, jaki pryjechaŭ z boku «Płoščy Lenina», vychodziać Kanavałaŭ i Kavaloŭ. Potym jany iduć na stancyju «Kupałaŭskaja». Vidać, jak Kavaloŭ dapamahaje nieści ŭsio tuju ž sumku.
Na stancyi «Kupałaŭskaja» abodva sieli na ciahnik, jaki jechaŭ u bok «Frunzienskaj». Taksama byli pakazany kadry, dzie jany vychodziać na «Frunzienskaj»
i razam niasuć sumku.
U zale suda była pakazana zdymka roznych kamier nahladu, zroblenaja z roznych vuhłoŭ. Kadry adznačany tajmieram, staić data.