Заўтра закрываецца памежны пераход «Каменны Лог»

Памежнікі раяць карыстацца суседнімі пераходамі «Катлоўка» і «Беняконі».

15.08.2011 / 12:57

З 7-і гадзін раніцы 16 жніўня на тыдзень зачыняецца пункт пропуску «Каменны Лог» на беларуска-літоўскай мяжы. На гэты час запланаваныя завяршальныя працы па ўкладцы аўтадарожнага пакрыцця.

Памежнікі раяць карыстацца суседнімі пераходамі «Катлоўка» і «Беняконі».

Акрамя таго, будзе арганізаваны ў кругласуткавым рэжыме пропуск фізічных асоб (грамадзян Беларусі і Літвы) незалежна ад іх месца пражывання на тэрыторыі дзвюх краін праз пункты спрошчанага пропуску «Доцішкі» і «Лоша». Пры гэтым правоз тавараў абмежаваны нормамі, якія дзейнічаюць для пунктаў спрошчанага пропуску.

БелаПАН